मैथीलि विवाह गीत (परिछन)

कहल तS जैत अछि वियाह सS विधे भारी..... मुदा ई एहेन विध कतोहू की और देखबाक लेल भेटत ? 

 गीत –परिछन |

१,परिछन करय हरषि चलू ,सजनी गे ,

दुलहा अवध किशोर सजनी गे !

रूप हुनिक मन हरलक सजनी गे ,

भेल जनकपुर शोर सजनी गे !

नील कमल सन सुन्दर सजनी गे ,

तोरल धनुष कठोर सजनी गे !

धिया सिया लय रामभद्र वर ,

विधि रचलन्हि समजोर सजनी गे !

कए परिछन मंडप वर आनू ,

निरखव नयन विभोर सजनी गे !

करू आरती मातु सुनैना ,

नहि आनंदक ओर सजनी गे !

२,निज निज जन्म सुफल करू सजनी ,

रघुनंदन केर परिछन कए केँ|

राम  नयन मे काजर दए केँ, 

राघव केर सिर चन्दन कए केँ |

वर परिछ्हु अरियाति लाउ सखी ,

शुभ शुभ मंगल गीत गाउ सखि,

वरक परीक्षा लेहु ज्ञान केर ,

ठक वक केर चिन्हारय दय केँ |

चुनि चुनि मधुर गारि दियऽ सजनी ,

कुल केर भेद खुलाशा कए केँ|

देह परीक्षा वस्त्र फोलि केँ,

 योगक शिक्षा नाक पकडि केँ|

त्पन मिथिला मे कन्या दान सँ पूर्व आम महु विवाहक प्रथा अछि –

प्रस्तुत अछि एकटा आम महु विवाहक गीत |

रघुवर प्रेम विभोर ,चलल सिय आम महु विवाहय |

वाजन ध्वनि घनघोर ,चलल सिय आम महु विवाहय |

सिनूर पिठार सिय आम महु लेपल ,जगत केँनेह सिखाबय |

 चलल ---

प्रेमक पीयर सूत लपेटल ,गाँठ सिनेह लगाबय ,

जीवन वगिया आम महु सन ,मिलनक मन्त्र सिखाबय |

चलल सिय आम महु विवाहय ||

साभार:- मिथिला संस्कार पेज 

🌷🌷🌷🌷🌷🌷🌷🌷🌷

पोस्ट :- अशोक कुमार सहनी

🌷🌷🌷🌷🌷🌷🌷🌷🌷

🌷🌷🌷🌷👉🌷

🚩🚩