चैत पियाक याद सताबए
पसरल चैत पियाक याद सताबए
✍👤 नरायण मधुशाला
पसरल चैत पियाक याद सताबए
सखी हे वैशाख घामसँ देह कापए
जेठक राति बितैय जागि-जागि
असगर निनो टुटि जाई लागि-लागि
अखारक ओ बरसातमे छुपरछापर
साउनक सजधज लऽ गेल सावर
पिया बिनु हमरा निक ने लागए
पसरल चैत पियाक याद सताबए
सखी हे वैशाख घामसँ देह कापए
भादव अन्हारीयोमे जोहि-जोहि बाट
सगर रातिके हम तऽ कऽ देलौ परात
आसिनक ईजोरियोमे लागेनऽ तन-मन
कातिकक आकाशो दीप लगैय मुर्झायल सन
पसरल चैत पियाक याद सताबए
सखी हे वैशाख घामसँ देह कापए
 |
| गीतकार - नरायण मधुशाला जी |
💟💟💟💟💟💝💝💟💟💙🌻
पोस्ट :- अशोक कुमार सहनी
❤❤🌷💟❤🌷💟❤💓❤❤
❤
कोई टिप्पणी नहीं