चलु मिता मनायब हमसब दियाबाती (दियावाती मैथीलि गीत)

चलु मिता–२ मनायब हमसब दियाबाती

✍दिनेश रसिया


जेना भोक रंगमे रैङ गेल पराती
चलु मिता–२ मनायब हमसब दियाबाती

देखु आयल छै मिता हरियर कातिक मास
अनधन आ लक्ष्मीक घर घर छै बास
एत प्रेमक रङगमे रङल छै उकाती
चलु मिता–२ मनायब हमसब दियाबाती

घरघरमे खुशी आयल ठामेठाम छै
घेराक फूलतर गोबरक भगवान छै
गोबरधन पूजाके कृपा बतादी
चलु मिता–२ मनायब हमसब दियाबाती

गोबरधन पूजा आयल भरदुतिया
दही चुराक भारसंग छान पुरुकिया
छोटकी बहिनलग सनेश पठाबी
चलु मिता–२ मनायब हमसब दियाबाती

अमृत लुकायल छै मायक बोलमे
हुकालोली खेलब अहिबेर टोलेटोल
मिलजइल अपन सँस्कुति बचाबी
चलु मिता–२ मनायब हमसब दियाबाती

जेना भोक रंगमे रैङ गेल पराती
चलु मिता–२ मनायब हमसब दियाबाती

✍दिनेश रसिया
२०६३–०७–१२
लहान


🌷🌷🌷🌷🌷🌷🌷🌷🌷🌷

पोस्ट :- अशोक कुमार सहनी

 🌷🌷🌷🌷🌷✔✔❤❤🌷🌷🌷

✔