मैथिली हृदयमे गीत परान
मैथिली ह्रदयमें गीत परान
**************************************
देसिल वयना जेना दिनमान
मैथिली हृदयमे गीत परान
गुनिगुनि मधुरी धुनमे गान
जाधरि जीबैत रहबै ना !
अप्पन भाषा तखने मान
जेना लालीलेल मुख पान
एकरा बिनु ई ज्ञान अकान
एहि सुरधारमे बहबै ना !
जगतक सभसँ मिठगर भास
रहतै एहिभाषा के उजास
कतबो राकस करत हहास
मैथिली कंठसँ कहबै ना !
विद्यापति सौन्दर्यक राग
परिछन डहकन हमरे भाग
जट-जटिन लोक धुनक पराग
अपन फुलबारी महबै ना !
शिव कणकणमे बसि वैदेही
केलथि उसरठ मोन सिनेही
प्रतिक्षण मैथिली गीतक गेही
हँसिते दुःख सुख सहबै ना !
गीतकार ✍👤शिव कुमार झा "टिल्लू"
❤❤❤❤❤❤❤❤❤
पोस्ट :- अशोक कुमार सहनी
❤❤❤❤👤❤❤❤👤👤
⚡⚡⚡
कोई टिप्पणी नहीं