मैथीलि छठी मैया के गीत

मैथीलि छठी गीत

✒✍शिव कुमार झा 'टिल्लू'

*****************************
छठिहे  कहू मनोरथ रविसँ सबहक दुःख हरि लेथिन ना
भगतिन ठाढ़ अरघके' पथ पर एहने आशीष देथिन ना !
सार्थक कर्मक फल भोगी तन मन धन सदति निरोगी
इएह टा जीवन बनेथिन ना
भगतिन ठाढ़ अरघके' पथ पर एहने आशीष देथिन ना !
अतिआश ने बाट निहारय  विश्वासक सगुन उचारय
उतयोग गहेथिन ना
 भगतिन ठाढ़ अरघके' पथ पर एहने आशीष देथिन ना !
बाधा लग चरण ने डोलय  तृष्णा ने अनर्गल घोलय
भावक सरित बहेथिन ना
 भगतिन ठाढ़ अरघके' पथ पर एहने आशीष देथिन ना !
हे माता अर्घ सकारू मोनक सभ  हाहि हकारू
पुनि भोरमे एथिन ना
 भगतिन ठाढ़ अरघके' पथ पर एहने आशीष देथिन ना !
सभ साँझ देखि क' सीखत शिव जामिनी गाथा लिखत
रवि राति  बितेथिन ना
भगतिन ठाढ़ अरघके' पथ पर एहने आशीष देथिन ना !

लेखकः✒✍शिव कुमार झा टिल्लू

🌷🌷🌷🌷🌷🌷🌷🌷🌷🌷🌷🌷
पोस्ट :- अशोक कुमार सहनी
✔✔🔵✔🔵✔✔✔✔🔵

✔