जागु हे मिथिलानी

|| जागु हे मिथिलानी ||

✍राम सोगारथ यादव
दहेज पडल बड भारी ।
सुनु यौ मिथिलाक नारी ।।
बेटा प्रधान रित यत
बेटि पडल लचारी ।
जगियौ जगियौ हे जगियौ  मिथिलाके नारी ।।

बहुतो बेटि आगि जरलै
बहुतो बेटि गाछ लटकलै ।
दहेज कारण बहुतो बेटिक
घरेमे सास अटकलै ।।
बहुतो बाप घुटना टेकै
बहुतो बाप भेलै भिखारी ।
जगियौ जगियौ हे जगियौ मिथिलाके नारी ।।

बेटा बेटि बराबरी कहितो
अहाँ छी असुरक्षित ।
देशक संबिधानमे अछि
अहाँक अधिकार अंकित ।।
समान अधिकार कहितो
बेटि प केहन लागल दहेजक दाग कारि ।
जगियौ जगियौ हे जगियौ मिथिलाके नारी ।।

समाजक इ जरियाय बिमारी
हरियौ न कलेश ।
बेटि नहि तँ संसार नहिं
बाँटु सगरो उपदेश ।।
अहि छी बेटि अहि पुतोहिया
अहि छी ककरो मतारी ।
जगियौ जगियौ हे जगियौ मिथिलाके नारी ।।

✍राम सोगारथ यादव


🌷🌷🌷🌷🌷🌷🌷🌷🌷
पोस्ट :- अशोक कुमार सहनी
🌷🌷🌷🌷🌷🌷🌷🌷🌷




🌷🌷🌷🌷🌷
🔵🔵🔵🔵🔵


✔
🚩