मैथिलि विवाह गीत

मैथिलि विवाह गीत

✍👤अमित पाठक

ऐल अंगना में शुभ घड़ी आइ,
धिया बेदी चढ़इए
बाजय आजन-बाजन गे दाइ,
धिया बेदी चढ़इए
बाजय आजन-बाजन.........

अवध नगर सँ दुल्हा अएला
जनक नगर के मान बढ़एला
बनि अएला जनक के जमाइ,
धिया बेदी चढ़इए
बाजय आजन-बाजन.......

सजल-गुजल सीता सन लागय
दुल्हिन रूप सकल मन भावय
रूप रामक हिया में समाइ,
धिया बेदी चढ़इए
बाजय आजन-बाजन.........

अचल सोहागक भोग हो बेटी
शुभग सुखक संजोग हो बेटी
दैव रहिहथु तोरा पर सहाइ,
धिया बेदी चढ़इए
बाजय आजन-बाजन.........

✍👤-: अमित पाठक

🌷🌷🌷🌷🌷🌷🌷🌷🌷🌷🌷

पोस्ट :- अशोक कुमार सहनी

🌷🌷🌷🌷🌷🌷🌷🌷🌷🌷🌷

🌷🌷🌷🌷🌷🌷🌷