गाम मे उगल हेतै चान

💝गाम मे उगल हेतै चान 💗

✍👤सुबोध चौधरी
हम परदेश मे राति कटै छी
जिनगी लागै छै विरान
गांम मे उगल हेतै चान-2
*
सिन्दुर टुकली मांथ लगा क
नेहक मेहँदी हाथ लगा'क
केखनो कोनटा लग मे जा'क
आंखिक काजर नोर बहा'क।
बिधना केहन बनल छै पाथर
बेधने छै बिरहक बान।
गांम मे उगल हेतै चान....
*
पुरबा राति मे सिहकैत हेतै
चान हमर कने झिझकैत हेतै
मन मे यादक दीप जरा क
भीतरे भीतर सिसकैत हेतै।
एहमर ओमहर नजरि घुमा'क
ताकैत हेतै जान।
गांम मे उगल हेतै चान....
*
चान सॅ कनके काल बतिया'क
प्रेम करी हम लग बजा क
झांपल बदरा घोघ हटा क
अपना हिया के हाल सुना'क।
कहितौं हमहुं गांमे रहितौं
सद्खन एकही ठाम।
गांम मे उगल हेतै चान....
-------
©सुबोध चौधरी।

💝💝💝💝💝💝💗💗💗💗💗💝💝💝💝💝
पोस्ट :- अशोक कुमार सहनी

💝💟💚💙💙💗💚💟💚💚💟💟💟💗💙💚💟


💙💗💚💟💟❤❤💓