राम जन्म लेलनि दशरथ अँगनामा

🙏🌹राम जन्म लेलनि🌹🙏
-------------------------

हो रामा---
चैत मे आयल ओ शुभ दिनमा ,
आजुक दिन भेल, सुन्नर लगनमा ।
हो रामा सुन्नर लगनमा ।(१)२

हो रामा--
राम जन्म लेलनि दशरथ अँगनामा ,
कियो माँगैय हार कियो रे  कंगनमा ।
हो रामा कियो रे कंगनमा ।(२)२

हो रामा--
सोहर गयलानि दशरथ सजनमा,
झूमि उठल रानी सब के मोनमा । 
हो रामा सब के मोनमा ।
राम जन्म लेलनि दशरथ के अँगनामा ।
हो रामा राम जन्म लेलानि दशरथ के अँगनामा।(३)

कंगना मॉगैय लेलअ् अँगना मे भेल सोर ,
कौशल्या माई बाँटूँ  भ जायत आइ भोर ।
हो रामा भ जायत आइ भोर ।(४)

हो रामा-----
अवध मे जन्म लेलनि दशरथ ललनमा ,
सब बेकल हुनकर दरशनमा ।
हो रामा , बेकल हुनकर दरशनमा ।(५)२

जल्दी जल्दी चलू भेटत किछु थोड़,
सब के मोन नाचि रहल  बनि मोर ।
हो रामा नाचि रहल बनि मोर ।(६)

हो रामा-----
नैं किछु नीक लागैय खाय मे अन्नमा ,
सब के मोहि लेलक राम ललनमा ।
हो रामा , मोहि लेलक राम ललनमा ।(७)२

सगरोअ नगर मे भेल अछि सोर ,
जल्दी जल्दी दौड़ूँ , हमहू लेब कोर ।
हो रामा हमहूँ लेब कोर ।(८)

हो रामा-----
बड्ड बेकल हमर ओ मोनमा,
कोरा मे उठाबू कोना बौआ सोनमा ।
हो रामा, उठाबू कोना बौआ सोनमा ।(९)२

हो रामा---
अवध मे जन्म लेलानि राम ललनमा ।
हो रामा अवध मे जन्म लेलानि राम ललनमा ।
सब मलंग घूमैय मतल ओ मोनमा ।
हो रामा अवध मे जन्म लेलानि राम ललनमा ।(९१०

हो रामा---
राम जन्म लेलानि दशरथ अँगनामा ,
सब मोन ओहि मे मगनमा ।
हो रामा, ओहि मे मगनमा ।
कियो माँगैय हार कियो रे  कंगनमा ।
हो रामा कियो रे कंगनमा ।(११)
हो रामा---
राम जन्म लेलानि दशरथ अँगनामा
---✍👤मणिकान्त झा---         ०५.०४.२०१७

कवि - मणिकान्त झा जी

🎼🎼🎼🎼🎼🎼🎼🚩🎼🎼🎼🎼🎼🎼🎼

पोस्ट - अशोक कुमार सहनी

🚩🚩🚩🚩🚩🚩🚩🎼🚩🚩🚩🚩🚩🚩🚩