छठी गीत - हे जल्दी सजाबू अरघक डाला

छठि गीत .... 

✍👤शिव कुमार झा टिल्लू 
********************************
हे जल्दी सजाबू  अरघक  डाला !!
 धरू पानपात फूल अड़हुल के माला !
रसेरसे सुरूज अस्त बाटे पकड़लथि 
छठि'घाट भेलै भक्तशाला 
प्रियतम हे  छठि'घाट भेलै भक्तशाला !
आल'वसन  लाल'सेनूर भगतिन शोभै छथि
अरिपन सजा रहली बाला 
देखू ने अरिपन सजा रहली बाला !
वाती कपूर भानु छठि केसर आरति
श्वेत कमल पकड़ू मृणाला 
हे प्रियतम श्वेत कमल पकड़ू मृणाला !
अस्त आदि उदित अंत सन्देश दै छै 
शाश्वत इजोतक कराला 
दिनकर के' शाश्वत इजोतक कराला !

शिव कुुुमार झा टिल्लू