अपन मिथिला में

जनम लेलौउ मिथिला में
बास अछि कलकता में
मन अनेरो अहुरिआ काटय
जोतल खेत में कियै घास लय ।
नै चुका पायब मातृभूमि के ऋण
मूदा रहब गाम में कि खास लय
ईच्छा अछि जे अंतिम समय
बेटा आओता दिल्ली कि लाश लय ।
जीवनक आपाधापी में बिसरर्लौ
कि बैसब गाम में आब ताश लय
धेलौ परदेश धन सम्पति बहुत रास लय ।
मूदा सब किछ रहितो
बनल छी एखनो भिख्मँगा
नै करई छी किछुओ यत्न
वापसी  अपन गाम लय ।
करैत माँ मिथिला सदिखन पुकार
वापस आऊ संतान हमर
आँचर हम एख्णो ओरने छी
अहिं सबहक साँसक आश लय ।
कहैथ "कृष्ण "आऊ मैथिल
अपन गाम यौ
व्याकुल अछि माँ मिथिला के
अहिं सब लय प्राण यौ ।
॥॥॥॥॥॥॥॥॥॥॥॥॥॥॥॥॥॥॥॥॥॥॥॥॥॥
     जय मिथिला   जय दलान
॥॥॥॥॥॥॥॥॥॥॥॥॥॥॥॥॥॥॥॥॥॥॥॥॥॥
✍कृष्णा जी