बेटीक व्यथा सुनबैत छैथ पिता के

एक टा एहन बेटी जिनका लेल जेहने सासुर तेहने नैहर ओ अपन पिता स अपन व्यथा सुनाबैत छैथ l
- - - - - - - - - - - - - - - - - - - - - - -

सुनु यौ बाबु एक टा बात पुछै छी l
आई अछैते जिनगी हमरा किया मारै छी? ?

हमरा जनमिते कन्ना-रोहट भेलै घर में l
बचपन बीत गेलै हमर एही डर में ll

एलै समय ज़खन स्कूल जाय के l
हमरा पठेलौ सरकारी आ प्राइवेट में भाय के ll

एलै यौवन ज़खनें हमर शाशन भेलै लागू l
संगे-संगे हँसी-खुशी पर सेहो भेलै काबू ll

बाबू यौ आहा किया भेलौह दूरंगा l
भाई के नवका जीन्स-पैंट आ हमरा फाटल अंगा ll

ओहो समय आब आबिये गेलै l
बाबू के नकली प्यार स छूटकारा भेलै ll

हेतै बियाह आब सासुर जेबै l
कष्टक दिन ख़तम भेलै आब सब सुख पेबै ll

आब विवाहक समय एलैन , खुशी स हाल बेहाल की कष्टक दिन समाप्त भेल ll लेकिन कर्मक दोष आ अपन समाजक मानसीकता हूनकर खुशी छीन लेलक ll . . . . . . .
- - - - - - - - - - - - - - - - - - - - - -
गेलौ बियाहि सासुर हम ज़खनें l
धधकैत आईग में जरनौ तख़नें ll

सासु जी के बोल ओल सन
ननद भेटल चीनगारी l
पिया जी भेटला राजकुमार सन
मुदा हृदय स सौंसे कारी ll

देवर, भैंसुर के बात जूनी पूछू
सब एकैह रंग स रांगल l
ससुर जी के काज कोनो नय
हमरे पर जी छैन्ह टाँगल ll

केहन किस्मत लिखलैथ दैवा
सुख-शांती के भेल अकाल l
अपनों हक लेल मुँह ज़ खोली
सौंसे घर मैच जाय बवाल ll

नारी केर जिनगी बड्ड पहाड़ छै
जिबै के नय कोनो अधिकार l
जा धैर जिबैत रहब दुनियाँ में
सहैत रहूँ पुरुखक अत्याचार ll
((((#R__Mishra))))
__✍रोशन मिश्रा जी