केना भोर किरिणीय बहुसी गेलै

केना भोर किरिणीयां बहुसि गेलै,
मोर पैर पैजनियां छनकि गेलै।
सखि! पियाजी सिनेहिया गाँम एथिन
मोर आंखिक नींदिसया ऊचटि गेलै।
*
भेल मोन मगन, हेतै पिया दर्शन,
अछि पिया सँ मिलन लेल आतुर मन।
सोचि सुमिर ओ छन, हिया हुलसि गेलै।
*
पिया जँ अउथिन, झूमका लौउथिन।
फेर अपनहि हाथे पेहरौथिन।
जे ओ छूथिन हमर तन
झिझकि गेलै।
*
हम करब श्रृगांर पिया रीझि जेथिन,
सखि! प्रेम सिनेह ओ बरसौथिन।
साटि लेथिन करेज हिया धडकि गेलै।
*
कोन बिधना हमर कपार लिखल,
मोर पिया जी 'सुबोध' परदेस बसल।
मोर नव यौवन तन बिलखि गेलै।
------
-✍सुबोध चौधरी-
हरिपुर, गुरमाहा ।