नै जायब ओहि देश

।नै जायब ओहि देश।

छै बढ़ निष्ठुर नेत समाजक,
पग पग लागतै ठेंस।
नै जायब ओहि देश-2
*
हमरा जन्मसँ पहिले मारतै,
हमरा देखिक कोंखि ऊजारतै।
हेतै ने कनेको दरेज।
नै जायब ओहि देश....
*
ओतऽ दहेजक रीत छै भारी,
बेटा बेचै बनल व्यापारी।
बनल छै मनुखे मलेछ।
नै जायब ओहि देश....
*
भुखल देहक दानव सगरो,
निर्भया सन गति हेतै हमरो।
नोचि नोचि खेतै देह।
नै जायब ओहि देश....
*
झुठे क दुर्गा काली पुजै,
बेटीकेँ कियो मरम नै बुझै।
घरे घरे मिलै छै कलेश।
नै जायब ओहि देश,
हम नै जायब ओहि देश।
----------------
©सुबोध चौधरी।