सामा खेल गेली आइ भाइ के आँगन हे

"  सामा गीत "

✒✍संजय कुमार झा


सामा खेल गेली आइ भाइ के आँगन हे
आहे भाइ के आँगन हे
आहे अपन भौजो देलक लेल लुलुआइ
कि छोड ननदो मोर आँगन हे
आहे अपन भौजो ..........२
एतबा वचन सुनलैन हमर भैया हे...
आहे हमर भैया हे.....२
आहे मारलैन बरछि घुमाइ
कि मोर बहिनी पाहुन हे .....
आहे मारलैन बरछी घुमाइ
कि मोर बहिनी पाहुन हे....
सामा खेल गेलि आइ............२
जुनि जरु हमरा स अइहब भौजो हे
आहे अइहब भौजो हे.......2
आहे नहि लेब तोहरो सम्पत्ती
कि हम भौजो प्रेमक भुखल हे
आहे नहि लेब तोहरो सम्पत्ती
कि हम भौजो प्रेमक भुखल हे
सामा खेल गेलि आइ.......२
आहे भौजो देलक लेल ........२
सेहो सुनी अएलैन पितियौत भौजो हे
आहे पितियौत भौजो हे
आहे बैसलैन बहिया पकैरी
कि तोहे ननदी मोर पाहुन हे

आहे बैसलैन बहिया पकैरि
कि तोहे ननदी मोर पाहुन हे
सामा खेल गेलि आहे भाइ के आँगन हे
आहे भाइ के आँगन हे
आहे भौजो देलक लेल लुलुआइ
कि छोड ननदो मोर आँगन हे
( समस्त मिथिलानी दिदी - बहिन मे सामा - चकेबा के हार्दिक मंगल् मय शुभ- कामना )
लेखकः✍ संजय कुमार झा
जनकपुर ,नेपाल


🌷🌷🌷🌷🌷🌷🌷🌷🌷🌷🌷🌷🌷
पोस्ट :-अशोक कुमार सहनी
🌷🌷🌷🌷🌷🌷🌷🌷🌷🌷🌷🌷🌷

🌷🌷🌷


🚩