भैया छीन लेलखिन (सामा गीत मैथीलि)

-----भैया छीन लेलखिन ।

✍मैथिल प्रशान्त 

चिकनी माइटसँ, सामा बनेलियै यै भौजी ।
काँचहि बाँस लेल, टाका गनलियै यै भौजी ।।
डाला मढाओल अगबे सोन, भैया छीन लेलखिन ।
केलियै अहाँ बड़का  टोन, भैया छीन लेलखिन ।।

एखन त' डाला छिनला, बुझू दरदिया भौजी ।
करबै की अहाँ कहू, ल' औता ननदिया भौजी ।।
बढले जेतैन हुनक मोन, भैया छीन लेलखिन ।

सभ सखी हिलि मिलि, घरसँ बहरेलौं जखने ।
कहाँसँ  आबि  गेला, भैया  दुलरुआ तखने ।।
उपेय   करियौ कोन , भैया  छीनलेलखिन ।

भैया ने एहन रहथि, सभटा सिखेलयनि अहाँ ।
कोनो गुरुआइन जँका, की की पढेलयनि अहाँ ।।
डालाक बदला देब फोन, भैया छीन लेलखिन ।

~>   ✍मैथिल प्रशान्त
    दुर्गौली, बेनीपट्टी ।

🌷🌷🌷🌷🌷🌷🌷🌷🌷
पोस्ट :- अशोक कुमार सहनी
❤❤❤❤❤❤❤

🔵