चैतावर - 2021
#चैतावर - 2021
 |
| मैथिल प्रशान्त जी |
✍️मैथिल प्रशान्त
घुरिक' ने एलै गाम, हो रामा हमर सिनेहिया ।
जा बसलै कोन ठाम, हो रामा हमर सिनेहिया ।।
मौलायल हिअ, फुलायल महुआ ।
रभसय कोइली, बड़ अगि लेसुआ ।।
बिसरल गाछीक आम, हो रामा हमर सिनेहिया ।
राति इजोरिया, लगबय कबछुआ ।
हमरे सन अछि, चानो एसगरुआ ।।
आँखि केलक उमडाम, हो रामा हमर सिनेहिया ।
विरहकेँ बुझियौ, प्रीतक सोदर ।
नारीक हिरदय, कहिया मोजर ।।
प्रीतक करी अठजाम, हो रामा हमर सिनेहिया ।
Maithil Prashant
कोई टिप्पणी नहीं