आह जीवन बिताबी सोलह सृङगारमे

आहाके कोना आइ हम राखु अन्हारमे ।
अपने जीवन जखन जीबै छी उधारमे ।

भूल केलै नै केलै, दण्ड भोइग रहल छी
जीन्गी सस्ता महंग बड सौसे बजारमे ।

डेग डगमग करै पैर रुकै नै जमिनपर
कोना साथै अहाँके नैया राखी मझधारमे ।

जीवन हसबै आ कन्बै क्षणैह क्षणमे
हमरा सम्झैय जोकर नै गीन्ती कलाकारमे ।

आबै अन्हर बिहाइर, पूर्वा–पछिया सँगे
खोपरी रहतै कोना, बिन खम्हनी महारमे ।

जीवन जीयब कोना अहि मायाजालमे
बाट मृत्युक ताकि रहल खार छी कतारमे ।

आब एकैह अभिलाशा अइ जीवनसं मीत
आहा जीवन बिताबी सोलह सृङगारमे ।

दिनेश रसिया
लहान