की आहो रामा (लगनी गीत)

लगनी

भादव अन्हार' राती । पिया बिनु फाटय छाती ।।
की आहो रामा --
बदराजे गरजल हिया मोरा  पियासल रे की ।

आधा राइत जागल रहियै ।सपनेमे  टाँगल रहियै ।।
की आहो रामा ---
अचकेमे फोन कोना बाजल रे की ।

फुसियेकेँ मोनक नेह ।देहेमे  सोनक नेह ।।
की आहो रामा ----
हुकरै छै कंगना आ पायल रे की ।

ककरो जे एलै पिया ।कूही भेल हमर हिया ।।
की आहो रामा ----
मैथिल प्रशान्त घर घूरि ने आयल रे की ।

~> ✍मैथिल प्रशान्त
  दुर्गौली, बेनीपट्टी ।

#अपन_मिथिला