बीहनि कथा ( विअाह)

💐 बीहनि कथा

                        🐚 विअाह

✍ वी०सी०झा"बमबम"

~ हँ हेल्लो बउआ ! सूनए छऽ ?

~ हँ ! बाबू कहियहु ने ? हम सूनए छी !

~ कहलिऽ जे टिकस कटा कऽ गाम चलि आबह !

~ एखन त गाम सऽ ( छठि'क प्राते ) अएबे कयल रहि ? आ लगले - - -

~ हम जे कहय छियह से बूजहक ने , आ तों चूप चाप गाम आबह !

~ परंच एखन तऽ गाम एयवा'क कोनो तूके नहि बनैत अछि  !

~ तूक आब साफ - साफ साफ बूजहक जे तोहर हम विआह ठीक कए देलिऽ !

~ आंय ! एना केना हमरा बिनु पूछनहि ठीक कय देलहु ?

~ एहि मे हम तोरा सऽ कि पूछिबह ? हम तोहर बाप छियह एतेक तऽ हमरा अधिकार अछि !

~ से तऽ ठीक छय परंच - - - - ?

~ परंच कि ? विआहक नाम सुनतहि लोक नाचय लगैत अछि ! आ तों एना किआ नाक भांगय छंऽ ?

~ नाक आ कान भांगय बला बात नहि छहि बाबू !

~ तखन कि तोहर विचार छहु ओम्हरे कतहु - - - ! हमर जाति गमेबऽ कि ?

~ अरे अहुं कि सोचैत रहय छी ? एखन हमर वयस भेल विआह करवा जोग ? एहि स हमरा बोझ बढ़त आ हमर भविष्य चौपट भ जायत पढ़ाइ लिखाइ सब खतम भऽ जायत !

~ तों हमर बाप जकाँ बात कम कर , इ नहि बिसर जे हम तोहर बाप छियहु, तों हम्मर नहि ? 

एंऽ रउ चाणक्य'क विआह :- १२ बरख मे , राजेन्द्र प्रसादक :- १३ बरख में आ अम्बेडकर के :- ११ बरख मऽ भेल रहनि , हुनकर सबहक भविष्य आ पढ़ाइ - लिखाई चौपट भेलनि ? कि आर उज्वले भऽ गेलनि !

~ ओ समय दोसर छलहि बाबू ! आब समय बदलि गेलहि !

~ हँ से तों ठीके कहैत छंऽ जे समय बदलि गेलय पहने लोक के धाख छलहि आ आब'क छौंड़ा - छौड़ी सब विआह सऽ पहिनहि एना करैत अछि तेना पहिलुका लोक विआह'क बादो नहि करैत छल ! छिआ - - छिआ - - - तोंहु लगय य - - - -

~ हेल्लो ऽ- हेल्लो ऽ- हेल्लो ऽ ऽ ऽ बाबू बाबू ऽ ऽ 

(  तामे फोन कटि गेल रहय छै )

लेखकः-✍ वी०सी०झा"बमबम"

                                 कैथिनियाँ




🌷🌷🌷🌷🌷🌷🌷🌷🌷🌷🌷
पोस् :- अशोक कुमार सहनी
🌷🌷🌷🌷🌷🌷🌷🌷🌷🌷





👌👌👍👍