मैया केलहुँ बरतिया तोहार माँ

मैया केलहुँ बरतिया तोहार माँ

✒✍अमित पाठक

घाट-बाट साजल आजु छठि मैया हे
आहे राणा मैया हे
मैया केलहुँ बरतिया तोहार माँ
ललसा पुराय दिय' हे
मैया केलहुँ ...............

पुरी-पकमान सँ भरल डाला हे
मैया कखन सँ डाला नेने ठाढ़ से
आबहु सकारि लिय' हे
मैया केलहुँ..................

अन्न-जल बिनु ई वरत ठानल हे
मैया होयत कोना ई व्रत पूर से
कहुना सुझाय दिय' हे
मैया केलहुँ..................

अहीं के भरोसे सब जीब जीबए हे
मैया अहीं सब केर अधार से
सबके गोहारि लिय' हे
मैया केलहुँ................
घाट-बाट साजल.......

                                   गीतकार✍अमित पाठक

🌷🌷🌷🌷🌷🌷🌷🌷
पोस्ट:-अशोक कुमार सहनी
🌷🌷🌷🌷🌷🌷🌷🌷🌷


🌷🌷🌷

🌷