संकल्प --एकमात्र विकल्प
नव बरख 2017 ई . हार्दिक शुभकामनाक संग
संकल्प --एकमात्र विकल्प
 |
| कवि✍मैथिल प्रशान्त जी |
✍👤मौथिल प्रशान्त जी
जेना जेना गढैत गेल
गढाइत गेलहुँ हम सभ
आ आब
अपन संततिकेँ सेहो गढि रहल छी
ओकरे वांछित - ओकरे इच्छा अनुरूप
एकटा भूगोल देलक
क्षेत्रफलमे पैघ
मुदा ओछ मानसिकताक
आ अपने सभ
भाँग खा मातल रहलहुँ
सिखबैत रहलहुँ
फ्रेंच, जर्मन , अंग्रेजी जानिने कोन कोन भाखा
आ बिसारैत गेलहुँ
बिसराबति गेलहुँ अपन मायक बोल
यद्यपि सभ भाखा सिखबामे
अवरोध नहि छली मैथिली
मुदा नहु नहु
ई आत्मबोध जे हम छी मैथिल
हमर जन्म भूमि अछि मिथिला
फराक अछि संस्कृति - संस्कार
पूजा पाठ आहार बेहबार
नहि मोन रहल
जे कतौ रही -- दिल्ली ,मुम्बई ,कतर आ की लंदन
मोनमे जियाक' राखी अपन मैथिलत्व ।
~>✍👤 मैथिल प्रशान्त
दुर्गौली, बेनीपट्टी ।
❤❤❤❤❤❤❤❤❤❤❤
पोस्ट :- अशोक कुमार सहनी
❤❤🌻❤❤❤❤❤❤❤❤
❤❤❤❤
कोई टिप्पणी नहीं